Benn Folkvord: På jakt etter det gode skattesystemet
- Webmaster
- for 6 døgn siden
- 1 min lesing
Torsdag 27. august kl. 1100 i Storsalen, Time bibliotek
Å betala skatten sin med glede er det neppe alle som gjer. Men skatt er heilt nødvendig for at eit moderne samfunn skal gå rundt. Skatteunndraging og skatteflukt svekkar statane si evne til å gi innbyggjarane nødvendige tenester og aukar forskjellen mellom rik og fattig. Samstundes er det viktig at skattesystemet vert opplevd som fornuftig og rettferdig for at borgarane skal vera lojale mot det.
To professorar frå Jæren, Benn Folkvord og Annette Alstadsæter, har nyleg fått 40 millionar kr frå Forskingsrådet for å byggja opp eit norsk miljø som skal forska på desse problemstillingane. I foredraget vil Folkvord snakka om korleis og kvifor skatteunndraging skjer, og kva samfunnet kan gjera for å hindra det.
Benn Folkvord (f. 1974) bur på Bryne. Han er professor i norsk skatterett ved Universitetet i Stavanger, nestleiar i Skatteklagenemnda og forfattar av fleire bøker om skatterett.
